У рамках Адзінага дня бяспекі работнікі Ленінскага раённага аддзела па надзвычайных сітуацыях правялі сустрэчы з працоўнымі калектывамі ўстаноў і прадпрыемстваў, а таксама практычныя адпрацоўкі планаў эвакуацыі.

Працоўным калектывам аб’ектаў давялі лічбы аператыўнай зводкі і прывялі трагічныя прыклады, расказалі алгарытм дзеянняў пры ўзнікненні пажару, нагадалі абавязкі работнікаў і членаў пажарных дружын пры ўзнікненні экстранай сітуацыі.

Выратавальнікі прадэманстравалі прафілактычныя відэаролікі, расказалі пра першасныя сродкі пажаратушэння. Адмысловая ўвага была нададзена правілам эвакуацыі. Слухачам давялі шэраг патрабаванняў, накіраваных на бяспечную эвакуацыю людзей, расказалі, што пры эвакуацыі не дапускаецца карыстацца ліфтам або эскалатарам, загрувашчваць праходы і складаваць у непрызначаных для гэтага месцах мэблю і гаручыя матэрыялы.

Пасля тэарэтычнай часткі былі праведзены адпрацоўкі планаў эвакуацыі людзей пры пажары, а таксама дадзена магчымасць на практыцы выпрабаваць вогнетушыцелі.